أثارت ابنة أحمد خليل أباظة، المعروف عبر مواقع التواصل الاجتماعي باسم «مذيع الجنازات»، جدلًا بعد ظهورها في مقطع فيديو وجهت خلاله استغاثة إلى والدها، متهمة إياه بإهمالها وشقيقها على مدار 14 عامًا، ومطالبة بحقوقهما في النفقة.
وقالت الفتاة إنها وشقيقها يحصلان على مبالغ محدودة، موضحة: «أنا باخد 200 جنيه، وأخويا بياخد 400 جنيه من بنك ناصر، وكمان حتى مش بيدفعهم، البنك هو اللي بيدفع لينا».
وطالبت بزيادة النفقة، مشيرة إلى ظهور والدها كمذيع عبر الإنترنت ويوتيوب، وقالت: «أنا شايفة حضرتك ما شاء الله طالع مذيع على النت ويوتيوب وحاجات حلوة».
وأضافت في رسالتها: «أنا عايزة مصاريفي، أنا بنتك، ونفسي أقولك يا بابا، أنا محرومة من كلمة بابا، وراميني على الناس اللي ملهمش أصلًا إنهم يصرفوا عليا، حضرتك اللي المفروض كنت تصرف عليا».
كما تحدثت عن والدي والدتها، قائلة: «جدو رضا اللي حضرتك بتقعد تشتم فيه، وتيتا، أنا ليا حق تاخد مصاريفي منك، وهما طلعوا على المعاش، هيصرفوا أكتر من كده منين؟ وماما هتصرف أكتر من كده منين؟».
واختتمت حديثها بالتساؤل عن غيابه، وقالت: «حضرتك فين من 14 سنة؟ قابلتني في العيد اللي فات واتصورت معايا وحطيت اللقطة، وبتيجي تكلمني في الموبايل، لكن مبحسش إنك كده».
ولم يصدر حتى الآن أي تعليق رسمي من أحمد خليل أباظة بشأن ما ورد في الفيديو المتداول.
صوت الشعب
