13 طفل.. أيوه 13 طفل، بدل ما يكونوا بيذاكروا ولا بيلعبوا، كانوا راكبين عربية ربع نقل رايحين يشتغلوا في المزارع.
وعلى الطريق الصحراوي الغربي في منفلوط بأسيوط، العربية اتقلبت بيهم في لحظة، والـ 13 طفل اتصابوا كلهم مرة واحدة.
الأهالي جريوا على الطريق، والإسعاف نقلهم على مستشفى منفلوط المركزي، والفيديو اللي اتصور من قدام المستشفى كان بيوصف كل حاجة.. أطفال صغيرين داخلين المستشفى واحد ورا التاني.
أطفال المفروض يكونوا في بيوتهم، بقوا ضحية لقمة العيش وعربية متهالكة وشغل أكبر من سنهم.
ادعولهم يقوموا بالسلامة ويرجعوا لأهاليهم.. ويا رب دي تكون آخر مرة نشوف فيها أطفال في المزارع بدل المدارس.
السلطة الرابعة
صوت الشعب
