رفض عالم الفضاء عصام حجي، المستشار العلمي لرئيس الجمهورية الأسبق عدلي منصور، اتهامه في بلاغ بـ«التحريض ضد الدولة المصرية» و«الاشتراك في أنشطة جماعة الإخوان الإرهابية في تركيا».

وقال عبر حسابه الرسمي على «فيس بوك»، مساء السبت: «بيان تافه لكن واجب: لا أعرف ماذا يجمع بين اكتشاف المياه على المريخ والتحريض على الدولة؟؟ وإيه حكاية الاشتراك في نشطات الجماعة!!».

أضاف: «هما راحوا المريخ ولا إيه؟؟ أنا بصراحة تهت من كثرة البلاغات والخيال الخصب لمقدميها. مرة تتهم بالخيانة علشان صباع كفته ومرة علشان مياه على المريخ!!».

تابع: «السادة مقدمي البلاغات، تخيل حضرتك إن في فعلا إنسان وظيفته يدور على مياه على المريخ؟؟ آه أنا ده شغلي اللي بأخذ عليه مرتبي من 21 سنة ومش عميل زي ما أنت فاكر».

أردف قائلا: «حضرتك بتضحك ومش بتصدق بس الحقيقة إن دي الوظيفة الوحيدة لإنسان ملوش وسطة في بلدنا، إنه يدور على حاجة ببلاش في حته بعيدة (مايه على المريخ)».

مضى قائلا: «الحمد الله دلوقتي اترقيت وبدور كمان على مياه على أقمار زحل والمشترى (والله بجد)، ونشرت البحث من سنة (..) لو المريخ بيزعلكم ويبهدد الأمن القومي وعليه إخوان (حسب مفهوم بلاغكم) أنا الحمد الله تبت وشغال زحل والمشترى والمذنبات دلوقتي. ولا أروح فين بس علشان مزعلكمش!! إحنا بتوع المريخ!!».

كان المحامي طارق محمود تقدن ببلاغ للمستشار النائب العام اتهم فيه «حجي» بـ«التحريض على الدولة المصرية والتشارك مع جماعة الإخوان الارهابية لتحقيق أهدافها الإجرامية».

وقال في بلاغه: «عصام حجى الذي يتنقل حاليا ما بين أمريكا وتركيا يتعمد نشر أخبار كاذبة عن الدولة المصرية عبر صفحته الرسمية على موقع التواصل الاجتماعي تويتر بغرض الإساءة لمصر والتحريض عليها وتشويهها في الخارج».