قال النائب أحمد القناوي عضو مجلس الشيوخ نائب رئيس حزب العدل، إن محافظة الفيوم محافظة عريقة ومهمة، وتعكس بأهميتها غير المستغلة مدى مركزية الدولة، والتي تدار وفق تفضيلات وأهواء سكان العاصمة.

وأضاف خلال مؤتمر شعبي حاشد للمرشح الرئاسي فريد زهران في الفيوم، أن الفيوم الملاصقة للعاصمة ومع ذلك محرومة من أبسط الخدمات والبنية الأساسية والطرق، رغم إمكانياتها الهائلة السياحية والزراعية.

ووجه رسالة إلى أهالي الفيوم معبرا عن شكره لهم، وعارضا عليهم رسالة وردته من أحد المواطنين “رسالة أمل جاتلي من مواطن مصري اسمه فتحي، قابلناه في أسيوط وكان محبط زي معظم حضراتكم، بس لما قعد معانا وسمعنا، لقيته باعتلى النهاردة قصيدة عامية قصيرة عايز أشاركها مع حضراتكم:

يلخص عم فتحي لقاءه بأستاذ فريد زهران فيقول:

“جالى راجل محترم وشكله أمير
ومعاه عِزوة وناس كتير
قالى لى مد إيدك .. معا للتغيير

قلته إزاى؟ .. وأنا صوتي أسير
قالى صوتك فالصندوق هيفرق كتير
بصوتك يا ابن بلدى .. هنغير المصير.
صوتك .. أكبر ضمانة ضد التزوير.

قلتله .. عرفني برنامجك ..
ولو عجبنى هدعمك بكل ضمير
وقُلي هتفرق إيه عن غيرك ..
ما هو سبق، وجالنا قبلك ناس كتير

وزي ما أنت شايف الوضع أصبح مرير !

قالى تاريخي يشهد بيه الصُغير قبل الكبير
وبرنامجي شارك فيه .. أكتر من ١٠٠ خبير

هنبنى مدارس وهنطور مناهج ..
وهنعيّن مدرسين كتير
هنخلى لكل مريض فالمستشفى سرير
وهيلاقي دواه .. بأفضل تسعير

والمرتب هيكفى كل موظف وأجير
والمحتاج مش هيمد إيده للغير

والمصانع هتشتغل من تاني .. والربح هيبقى وفير
والتاجر والمقاول رزقهم .. مش هيروح للغير
والفلاح حاله هينصلح .. والكل منه هيغير

قلتله دا كلام يستحق التقدير
وانا وعيالي معاك .. بكل ضمير
عشان مصر بلدنا .. تصبح بألف خير

ويا أستاذ فريد .. هنهتف كلنا وياك ..
معا للتغيير .. معا للتغيير .. معا للتغيير.”