قال النائب / فريدي البياضي عضو مجلس النواب في كلمته في المؤتمر الشعبي لتأييد المرشح الرئاسي/ فريد زهران في قرية سندوة بمحافظة القليوبية
التغيير دور كل واحد فيكم و ما حدش يقلل من أهمية صوتك . و قال البياضي. هاديكم مثال بكيلو السكر المكعبات ، و قال النائب (متهكماً) :،فاكرين السكر؟! اللي بقى ب ٥٠ جنيه؟! لو كيلو السكر المكعبات فيه ٥٠ مكعب، و حطينا على ميزان بكفتين ، ناحية عليها كيلو وزن. والكفة الثانية ٤٠ مكعب من ال٥٠ الكفة مش هاتتحرك ، لو ٤٩، مش هاتتحرك، لما تحط المكعب ال٥٠ هايحصل تغيير ، هل المكعب الأخير هو اللي عمل التغيير وحده؟! لا كل مكعب شارك في التغيير . احنا النهاردة جايين نقول كفاية لنظام أفقرنا ، نظام أتوسع في الديون وافقرنا. ما ينفعش اكون مش قادر اجيب أكل لأولادي ولا أعالجهم و اروح اخد سلفة علشان اشتري عربية! النظام الحالي بيعمل كدا . بيعمل قطار كهربائي ب ٥٥٠ مليار جنيه! و دا ضعف موازنة الصحة و ضعف موازنة التعليم لمصر كلها في سنة كاملة! نظام بيدي اولوية للقطر و مش بيحسن الطرق ولا الوحدة الصحية اللي في قريتكم و في قرى مصر كلها
و اختتم البياضي كلمته قائلاً: كفاية كدا على نظام بيكبت الحريات وبيحبس الناس اللي بتقول رأيها ! و نظام أفقرنا اقتصاديا . معا للتغيير معا للتغيير معا للتغيير