طلب الفنان خالد النبوي والإعلامي محمود سعد من الجمهور الوقوف دقيقة حداد على أرواح الفلسطينيين وذلك خلال لقائه في برنامج sold out

قال خالد النبوي “احنا بنقف مش حداد لا تكريم وتشريف واعتراف بأن أعظم إنسان انهاردة على وجه الكرة الأرضية هي الأم الفلسطينية اللي بتوهب ولادها فداءً ونضالاً لاسترداد الأرض ومفيش أغلى من الأرض”

وقبل ما نتكلم عن الأم الفلسطينية أو الفلسطيني لازم نفكر كتير ونحط نفسنا مكانهم ونشوف مين فينا يقدر يستغنى عن ضناه أو يضحي بيه أو يوهبه فداءً لقضية هو مؤمن بيها من 75 سنة”

كان خالد النبوي قد تحدث خلال الحلقة عن رأيه في نور الشريف وقال “مش سهل ابدا تبقى نور الشريف، أنا دخلت المكتب عنده وشوفت ال22 جزء من موسوعة قصة الحضارة وهو كان بيعملنا لقاء علشان فيلم عايز فيه شباب صغير من المعهد فانا لما شوفت هو بيتعامل مع الكتاب ازاي قلت أنا عايز يبقى عندي الكتاب دة وفعلا جبتها”

وتابع متحدثا عن نصيحة نور الشريف له “هو اللي قالي لازم تستمر أنا كنت برفض أعمال هو قالي السينما لازم استمرار واوعى تبعد حتى لو السيناريو مش عاجبك اعمله ومتقعدش في البيت لأن وانت بتشتغل هيجيلك السيناريو اللي يعجبك لغاية لما تقدر تتحكم ومتعملش غير الكويس”

أجاب خالد النبوي عن كيفية صناعة النجم وقال “في طريقين الأول أنك تخلي شخصياتك نجوم زي أحمد زكي يعمل شخصية يخلي الشخصية نجم ولولا احمد زكي أنا مكنتش هفكر في التمثيل ولولا نجيب الريحاني مكنتش همثل وانا طول الوقت بحب اشوف اللي قبلي”

يذكر أن خالد النبوي يشارك في موسم دراما رمضان 2024 بمسلسل “إمبراطورية ميم” مع نخبة من الفنانين من بينهم حلا شيحة، نور النبوي، نشوى مصطفى وغيرهم، “إمبراطورية ميم” مأخوذ عن الكاتب الراحل إحسان عبدالقدوس، وعرض للمرة الأولى كفيلم سينمائي عام 1972، بطولة الفنانة فاتن حمامة وعدد كبير من نجوم الفن.