علق الفنان مصطفى كامل، نقيب المهن الموسيقية، على الجدل الذي أثير مؤخرا بعد حصول نجله فتحي على عضوية نقابة المهن الموسيقية، مؤكدا أنه تنحى عن التواجد داخل اللجنة كرئيس، حتى لا يظن البعض أنه سبب حصوله على عضو منتسب.

مصطفى كامل: أنا عندي عيوب كتير لكن شريف

وقال مصطفى كامل في تصريحات تليفزيونية: فتحي ابني لما دخل يمتحن في نقابة المهن الموسيقية، وزملائي كلهم كانوا موجودين، أنا تنحيت عن وجودي داخل اللجنة كرئيس.

وتابع مصطفى كامل: أعضاء اللجنة لما خرجوا قالولي حرام فتحي يبقى عضو منتسب قولتهم لا زيه زي غيره، أنا عندي عيوب كتير، لكن راجل شريف جدا.

كما تطرق مصطفى كامل للحديث عن الأزمة التي اندلعت مؤخرًا بين الفنان مدحت صالح والفنان علي الحجار بسبب مشروع 100 سنة غناء، قائلا: في كرسي النقابة مش بشوف غير ربنا اللي خلقني بس.

مصطفى كامل: مدحت صالح صديقي أكتر من علي الحجار

وأضاف مصطفى كامل: علي الحجار كلمني علشان مشروع 100 سنة غناء، قلت له يا أستاذ علي أنا مقدرش أقول لحضرتك تعمل إيه ولا أقدر أقول للأستاذ مدحت لأن ده إبداع، رغم إن مدحت صالح صديقي أكتر.

وأكد مصطفى كامل أنه حاليا يجهز للاحتفال بزفاف ابنته الذي من المقرر إقامته في شهر 5 المقبل، معلقا: أنا لا بتاع شيوخ ولا ستات، ربنا خلقنا جمال وصغيرين، وفرح بنتي في شهر 5 ربنا يعديها على خير يا رب.