أعجب ما فيك يا وطن الصبر ع الأغراب
تعبان يسم البدن ويصم سمعي غراب
أشوف خريطة وطن يطلعلي وش غراب
هجر الحمام الشجر واتحكمو الأغراب
ـــــــــــــــــــــــــــــــــــــــــــــــــــــــ

أبدأ كلامي من الدفه
غزه بتنده ع الضفه
ابنك وابني إللي اتوفى
واحنا التراب
إحنا فلسطين
فضك يا غاليه من التانيين
دا خان
ودا كداب زفه
**********
ابدأ كلامي من المينا
يافا بتنده على سينا
أوعي لا غيرنا يقسينا
لو توّهونا رسينا
إحنا الولاد وانتي أم ياسين
فضك يا غاليه من التانيين
دا خان
ودا كداب زفه
وإحنا التراب إحنا فلسطين
******************
أبدأ كلامي من القهره
حلب بتنده ع البصره
العزه ف إيدين الفقرا
أهل الشهيد وأهل الأسرى
وعرق ودم على الخدين
فضك يا غاليه من التانيين
دا خان
ودا كداب زفه
وإحنا التراب إحنا فلسطين