اعترافات سفاح السيدات بالغربية: قتلت 5 وأول جريمة كان عمرى 8 سنوات
اعترف المتهم عبد ربه.م المعروف إعلاميا بـ سفاح السيدات بالغربية، بجرائمه أمام هيئة محكمة جنايات المحلة الدائرة الأولى برئاسة المستشار السيد شكر أثناء نظر محاكمته.
وقال سفاح الغربية: “أول جريمة ارتكبتها في سن الطفولة، وكان عمرى وقتها 8 سنوات، حيث كنت بلعب مع طفلة رضيعة وكنت أقوم بنزع ” السكاتة” من فمها ويضعها وأمها وأختها دخلوا عليها لقوها ميتة في إيدي وقعدوا يصرخوا، وجريت على بيتنا وأمي ضربتنى ضرب جامد ودي الواقعة الوحيدة اللي ذكرت فيها أمي”.
وأضاف: “الموضوع ده فضل متراكم معايا في ذهني، وأمي كانت ست شديدة جداً وأهلي كانوا ناس طيبين وأنا عار عليهم بعد ما قتلت 5 سيدات”.
وتابع سفاح السيدات بالغربية: “أنا اتجوزت 5 ستات وأول واحدة اتقتلت كانت مراتي وكانت حامل مني وكانت إنسانة طيبة وبتاعة ربنا وبتصلي، وباقي زوجاتي محصلش لهم حاجة، والضحايا الأربعة كانوا لستات كنت أعرفهم من سنين، وكان في شىء جوايا هو اللي دفعني لقتلهم”.
وأضاف سفاح الغربية: “أنا اتكلمت في كل كبيرة وصغيرة أمام جهات التحقيق حتي واقعة قتل الطفلة الصغيرة لما كنت طفل حكيت عنها،
وثاني واقعة قتل كانت بعد 3 سنين من قتلى لمراتى، وفى الفترة دى كنت بجيب ستات البيت عندى وبعد كدا عملت باقي الجرائم”.
