إتعلمى.. قصيدة جديدة لـ عزة صبحى
لسة برضو بتحلمى
لسةبخيالك بتسرحى
لسة جواكى المساحة
للأناقة والسعادة ؟
لما تيجى تغمضى!
لسة قادرة تتأملى ؟
فى الطيور قبل الغروب
لسة فيها بتوصفى !
لسة ف معانى الحاجات بتسألى!
و على كل شىء بتطبطيى!
و تحسسى على كل كلمة
قبل ما بيها تنطقى!
إتغيرى و اتعلمى
إزاى ف لحظة تجرحى
إزاى تثورى وإزاى تقولى
رافضة لكل همسة
فيكى لامسة جرح ف قلبك
و عايشة بيها تتعذبى
أصرخى و بكل قوة صرحى
بالمكنون و المخبى
متجيش على نفسك و تتعبى
و جوة روحك تغضبى
و لا اقولك
انسى ده كله وارجعى
لذات الحلم وافرحى
إجرى غنى و العبى
بس أرجوكى فتحى
واتنصحى
حتى و انتى بتحلمى
اوعى تانى تغمضى!!
جميل جدا يا فنانه
تعيش يا فنان من ذوقك و تشجيعك
اعجبتني جدا القصيدة الاخيرة …
اعجبني فيها التساؤل والحيرة
” لسة برضه بتحلمي
لسة بخيالك بتسرحي ؟…
اعجبني هذا المدخل …
” لسة قادرة تتأملي
في الطيور قبل الغروب
لسة فيها بتوصفي ؟”
هنا اصرار جميل علي طبيعة الشاعرة…
” اتغيري واتعلمي
ازاي في لحظة تجرحي ”
مراجعة للنفس جميلة ولكن في اختصار شديد …
” والا اقولك
انسي ده كله وارجعي .. الخ ”
التردد الذي يصيب الفنان عندما يقع بين اخلاصه لفنه وعلاقته بالاخرين !
أعجبتني القصيدة جدا … تحياتي
الفنان العالمى /رجائى ونيس
هذا التحليل أسعدنى
أنت عظيم
تحياتي و محبتى الدائمة