وجهت الدكتورة ولاء عزيز، الباحثة والمستشارة البرلمانية والسياسية، انتقادًا واضحًا لما وصفته بـ”عشوائية تأسيس الأحزاب”، مؤكدة أن استمرار تشكيل كيانات سياسية بلا رؤية واضحة أو تنظيم حقيقي يُكرّس لجمود المشهد السياسي ويُبقيه رهينًا لاختيارات محدودة.

وقالت عزيز في منشور عبر صفحتها الشخصية على “فيس بوك”:
“أنا عارفة إن الكلام ده ممكن ميبقاش مريح للبعض… بس لازم يتقال: طول ما كل اتنين تلاتة مش لاقيين نفسهم في أي مكان، يقرروا يعملوا حزب!”
وتساءلت: “هو التمويل هييجي منين؟ هنشتغل إزاي على تنظيم حزبي حقيقي حتى لو بسيط؟ إحنا دارسين كويس إحنا نقدر نقدم إيه لصانع القرار علشان نبقى جزء من المشهد؟ وعندنا خطة نكلم بيها الناس؟ نوصل بيها الشارع؟ حتى لو من خلال السوشيال ميديا؟”

وأكدت أن الشعارات وحدها لا تُحدث تغييرًا حقيقيًا، مضيفة: “المشهد مبيتغيرش بالشعارات… بيتغير بالتنظيم، بالرؤية، وبالشغل الحقيقي اللي يخلق أمل جديد.”

واختتمت بعبارة حاسمة: “اللي عايز يشتغل سياسة بجد، لازم يفكر بمنطق الدولة… مش بمنطق نادي الأصدقاء.”

المنشور لاقى تفاعلًا ملحوظًا من متابعيها، وفتح باب النقاش حول سُبل بناء حياة حزبية جادة ومؤثرة تستند إلى العمل لا إلى العشوائية أو ردود الفعل.