قال الرئيس عبد الفتاح السيسي خلال الندوة التثقيفية للقوات المسلحة: “أنا متفائل جدا جدا بحالنا دلوقتى، يمكن فى الكلمة هقول بعض النقاط الإيجابية التى حققناها والتى ساعدنا فيها ربنا كالعادة”.

وتابع: عاوز أقولكم الحرب مش بس بالسلاح لكنها بالمعرفة والاقتصاد والعلم والوعى والإرادة وبالثقة والتحمل كلها من أشكال الأسلحة، علشان كده عملوا حكاية السفارات “مكر والله.. كذب.. وإفك” لكن هي السياسة كده لكن الله سبحانه وتعالى مطلع.. شفتوا العزة؟ مش إحنا.. هو دائما ربنا ما يحرمنا أبدا من دعمه ومن نصره ويشرفنا دائما برضاه دائما وأبدا.

وأكد أن أحداث عام 2011 كانت شكلا من أشكال الحرب، قائلا: “محدش يقدر يحمي بلدنا زي ما ربنا حماها، وبقولها بملء الفم، محدش يقدر يقف ضد إرادة ربنا.

وأضاف: والله إحنا بنعمل حساب للرأي العام قوى لكن التحدى كبير قوى ولا بد إننا نجتهد ونعمل أقصى جهد بيكم إنتم بتحملكم والله أنا مش بجامل بيكم لازم نعبر ظروفنا الصعبة ولا بد أن يتحسن اقتصادنا.

وقال السيسي، إن الدولة المصرية ظلت تواجه بعد أحداث 2011 الإرهاب من الأشرار، مضيفا: “والله أشرار ولو يعرفوا ربنا ما يعملوش كده، ربنا سبحانه وتعالي حمي بلدنا، الجيش والشرطة والشعب المصري، وكل مؤسسات الدولة في النهاية مصريين، وكل بيت فيه شهيد وجريح وأثر الجرح موجود حتى الآن، هو مصري دفع الثمن من أجل مصر.