مجدى صبحى يكتب
(كان زمان)
الحب والفرح كان زمان..
الدفا واللمة كان زمان..
الورد خنقه شوك الأحزان..
ومهما نسقيه نلاقيه عطشان..
ومين يحيك يا ورد بعد الدبلان..
دبلان ليه وما أنتاش رويان..
قال القصة مش ماية وظمأن..
أنا للمشاعر الحلوة عطشان..
الوردة منا كانت تحرك إنسان..
وردة كانت تخمد بركان..
وكانت تسحر وتزين فستان..
وتبيت عاشق متلوع ولهان..
ومن الصبايا يفضل سهران..
الورد هو هو بتاع زمان..
بس سبت المشاعر خويان..
إزاى نبقى صحبة والحب هان..
رمته الفرفة فى بحور الاحزان..
واتقامرا عليه في لعبة كن كان..
واغنى العاشقبن صبح فلسان..
والكلام الصعب حبس اللسان..
وهد للحب كل كيان..
وسجنه سجن بلا جدران..
طب مين يقدر يرجع زمان..
واحباب راحوا وسابوا المكان..
والندم ما بيرجعش اللى كان..
حتى الذكرى ما بتدوبش الأحزان.
كلامنا الجارح خلى الحب هان..
ممكن نرمم شرخ فى جدران..
لكن لو قلب جرحه اللسان..
ما يلتئم ولو طال الزمان..