قبل حفلته الأولى في مصر.. اتعرف على تامينو حفيد محرم فؤاد

المغني الشاب تامينو صاحب الأصول البلجيكية واللبنانية والمصرية، هيزور مصر لأول مرة علشان يقدم حفلة غنائية في كايرو جاز كلوب. تامينو بينتمي لعيلة موسيقية، واللي ناس كتير ماتعرفوش إنه حفيد المطرب الراحل محمرم فؤاد، والملقب بـ “صوت النيل”.

في السطور الجاية هنتعرف أكتر على تامينو وإزاي دخل مجال الفن:

– تامينو عمره 22 سنة. وعايش في مدينة أنتويرب البلجيكية.

– جده اتوفى سنة 2002 وقتها كان عنده 5 سنين، علشان كده بيقول في حوراته إنه مش فاكره أوي.

– بيحب يسمع أغاني محرم فؤاد، وبيحب صوته في الحفلات أكتر. وبيقول إنه استثنائي.

– بدأت تظهر بموهبته في الغناء من وهو طفل، وكان مشترك في دروس الموسيقى في المدرسة.

– طرح أول ألبوم غنائي له الصيف اللي فات، واسمه “الأمير”.

– اختار يغني باللغة الإنجليزية رغم إنه بيتقن كذا لغة، لكنها بروزت جمال صوته أكثر.

– تامينو استعان بفرقة من بروكسل، أعضائها لاجئين سوريين وعراقين في أكثر من حفلة.

– معظم أغانيه بتتميز بالمزج ما بين موسيقى الشرق الأوسط والموسيقى الغربي.

– من خطته إنه يقدم حفلات في المغرب ولبنان، لكن مصر هي الأهم بالنسبة له لإنها أرض أجداده.

استنوا حفلة تامينو يوم السبت الجي 12 اكتوبر، في كايرو جاز كلوب 610.