أعلن الداعية عبدالكريم محمود عبر حسابه على موقع «فيسبوك» عن تقديم دورة تدريبية حول موضوع تعدد الزوجات، داعيا الراغبين في معرفة تفاصيل التجربة إلى الاشتراك في الكورس.

وقال عبدالكريم محمود إن الكورس يتناول كل ما يخص التعدد، موضحا أنه سيتحدث عن كيفية الحفاظ على البيت الأول، وطريقة التعامل مع أكثر من زوجة، مؤكدًا أن المحتوى الذي يقدمه يعتمد على تجربته الشخصية.

وأضاف: «عرض اليوم على كورس التعدد، الكورس النهارده هيبقى بـ400 جنيه فقط، وبعد كده هيرجع لسعره الطبيعي تاني، في الكورس ده، بفضل الله، هشرحلك كل حاجة تخص التعدد، وإزاي تحافظ على بيتك الأول، وتعرف تتعامل مع أكتر من زوجة».

وتابع: «للعلم، ده مش كلام نظري، أنا هقولك اللي ربنا موفقني فيه وأنا ماشي بيه في كل بيوتي، هقولك كلام واقعي أنا عايشه كل يوم، كلام مش هتسمعه من حد تاني بالطريقة دي بفضل الله، ابعتلي 400 جنيه فودافون كاش على الرقم ده، وبعدين ابعتلي سكرين شوت بالتحويل واتس على نفس الرقم ده علشان أبعتلك الكورس».

استكمل: «ولو عايز استشارة تخص التعدد، ابعتلي بإذن الله، ربنا يجعلني سبب وهفيدك أوي، خصوصًا إني مُعدد وهتاخد الاستشارة من حد عايش التجربة».

وأثار الإعلان تفاعلا واسعا بين المتابعين، خاصة مع طرح فكرة تقديم دورة مدفوعة تتناول موضوعا اجتماعيا ودينيًا حساسًا مثل تعدد الزوجات، بين مؤيد يرى أهمية مناقشة التجارب الواقعية، وآخرين يبدون تحفظاتهم على تحويل الأمر إلى محتوى تدريبي مدفوع.