حبيبتى يا غالية قصيدة جديدة لـ مجدى صبحى

حبيبتى يا غالية يا أقدم صبية.. رغم العواصف شامخة وعفية.. ووسط الخلاعة متحصنة وتقية.. ومهما يحاولوا طاهرة ونقية..

حبيبتى ياللى الطهر توبك.. كنايس مساجد فى دروبك.. مسلم مسيحى الاثنين ولادك.. وفى عز المحن هما عمادك..

حبك فى قلبى مالهوش حدود.. جرس وآدان ف الجمع والحدود.. ألاقى فين زيك فى كل الوجود.. أم حانية على كل موجود..

فين الاقى قبطى يعلق زينة رمضان.. ويشتري لإبنه ولا لحفيده فانوس كمان.. ويستنى السحور ويعد موايد الرحمن..

فين الا فيكى يا اغلى الأوطان… كام مسلم ضحى بروحه عشان اخوه يعيد بأمان..

فاكرة لما دماهم اتخلطت فى الحرب زمان.. كام مكيدة وفتنة دبرهالنا اللى خان.. ومحبة ولادك باقية تتحدى الزمان