منال سلامة: اختفيت سنين بسبب اللي بيحصل في الوسط الفني.. وفيه ناس ماتت كمدًا

أعربت الفنانة منال سلامة عن استيائها من التغيرات الراهنة بالوسط الفني، مشيرةً إلى أنها ابتعدت خلال السنوات الماضية؛ بسبب تلك التغيرات، كما أن الكثير من الصناع غير راضيين عما يحدث.

وقالت منال سلامة خلال حوارها مع القاهرة 24: لا طبعًا ولا حد راضي عن التغيرات اللي في الوسط الفني، وفيه حالة احتقان كبيرة لدى الجميع، الناس بتموت، فيه ناس باعت شققها وباعت عربياتها، وناس ماتت كمدًا.

وأردفت منال سلامة: اختفيت السنين اللي فاتت؛ بسبب التغيرات اللي في الوسط الفني، أما يتقالي دورك كده ويتشرح الدور وأدخل أصور وبعدين ألاقي لضيق الوقت المشاهد بتتشال، أروح أهزق نفسي!!؟ المشكلة مش دور كبير ولا صغير، المشكلة دور مؤثر ولا لأ؟ ده اللي يهمني.

أما عن تصنيف الفنانين لدرجات، أضافت منال: مفيش حاجة اسمها درجة أولى ودرجة تانية في الفن أنا مش موظفة حكومة، كده أنتو بتقللوا من شأن الفنان المصري اللي هو واجهة للبلد، عيب كده وميصحش.

أعمال منال سلامة

الجدير بالذكر أن مسلسل الأصلي هو آخر أعمال منال سلامة الفنية، مع الفنانة ريهام عبد الغفور، ولعبت خلاله دور فايزة الأصلي شقيقة فاطمة الأصلي التي تلعب دورها ريهام، تدور أحداث دورها في إطار شرير وتغير دائمًا من فاطمة ومحبة باقي أخوتها لفاطمة، وتدبر العديد من المكائد على مدار المسلسل.