سامع البلاد بتنادي

• سامع البلاد بتنادي يا فلسطين

دم الولاد كله غرز في الطين

لا بإيدنا شيء ولا راح جريح نداويه

وبإيد صهاينه الموت بيقضي عليه

دي شعوب ما ليها شرف ولا نخوه ولا عزه

وأنا دمي مصري لكن.. قضيتي غزة

وبنادي ع الطفل اللي راح ببلاش

قتله عدوه يا اما وما سماش

لا كان له ذنب ولا مره عدا السور

هيكون في جنه ربنا عصفور

الحرب لازم يبقى ليها أصول

مش ضرب عشوائي نموت على طول

الحرب للجيش والرجال أخلاق

ضربوا البيوت واتفرقت أشلاء

عدوا مراحل القسوه والإجرام

مش بس أبشع موت ده والله حرام

ليه النهايه خراب دمار وفراق

بس الصهاينه لا دين ولا أخلاق

دي شعوب ما ليها شرف ولا نخوه ولا عزه

وأنا دمي مصري لكن.. قضيتي غزه