وجه رجل الأعمال هشام ربيع، نصيحة للجمهور من خلال تجربته بعد الانفصال عن المطربة بوسي، بعدم التسرع في اتخاذ خطوة الزواج إلا بعد فترة خطوبة مناسبة لا تقل عن 6 أشهر.

وقال هشام ربيع: غلطتي إني اتسرعت واتجوزتها بعد شهر واحد من الخطوبة، والتسرع حاجة غلط وفترة الخطوبة ما ينفعش تكون شهر واحد، لازم نتعلم، هو في حد يخطب واحدة شهر ده جنان.

وأضاف هشام ربيع: أنا معروف عني أني شاطر وشركاتي ناجحة وبكسب من الهواء لكني طلعت خايب في الحتة دي، ومحدش يخطب شهر ده مشروع فاشل أقل حاجة تقعد ست شهور أو  سنة تدرس والعشرة بتبين والمواقف بتبين ما تعملش نفسك ناصح وبتفهم الناس من عينيها.

كنت منفصل عن زوجتي الأولى قبل زواجي من بوسي

وأكد هشام ربيع، أنه كان منفصلًا عن زوجته الأولى منة ووالدة أبنائه قبل زواجه من المطربة بوسي، وعاد لها فيما بعد، مشيرًا إلى أنه من المستحيل أن يكون تزوج بوسي وزوجته الأولى على ذمته، قائلا: لما تزوجت من بوسي كنت منفصلًا عن منة، أنا مش راجل مزواج ولا فاضي للزوجات والستات، أنا عندي مبدأ ومش هرمي مراتي وعيالي علشان خاطر بوسي؟، دي لو إنجلينا جولي مش هعمل كده.

زواجي من بوسي غلطة

وأكد هشام ربيع أن يعتبر زواجه من بوسي غلطة في حياته وأنه عرف معدن زوجته الأولى منة، وأن بوسي لا تصلح للحياة الزوجية قائلًا: الناس دي لا يصلحوا للحياة الزوجية بيتجوزا ويطلقوا ودي حياة مش شبه حياتنا إحنا فلاحين وعندنا أصول.

هشام ربيع: خسرت 21 مليون جنيه بسبب بوسي

وأشار هشام ربيع إلى أنه دخل السجن بسبب بوسي، وخسر 21 مليون جنيه، مردفًا: ربنا يسامحها، مش عاوز منها حاجة غير إنها تبعد عني عاوز أشوف شغلي، وببني مول جديد ولكن محدش رفع سماعة تليفون عليا يشتري أو يأجر بسبب الشائعات لأنها أذتني في شركات المولات اللي بملايين الجنيهات.

كما كشف هشام ربيع أنه كان حريصًا على أن يرسل لوالد بوسي الراحل مرتبًا شهريًا دون علم بوسي، قائلًا:  كنت ببعت لوالدها مرتب شهري وبقول له بوسي اللي بعتاه وبطلب منه يدعي لها، ومش عاوز منها حاجة ولا الفلوس اللي اتصرفت مش بتفرق معايا الفلوس وبعتبرهم صدقة من ضمن الصدقات أو عربية واتخبطت والحمد لله الواحد رجع لبيته ولمراته اللي كنت مقصر معاهم ومش حاسس بالتقصير ده من ناحيتهم.