أعلنت الفنانة نيللي كريم، خلال لقائها في برنامج ET بالعربي، أنها لم تحسم مشاركتها في موسم رمضان 2026 حتى الآن، موضحة أنها لم تتعاقد على أي عمل درامي، وتفكر في الحصول على استراحة فنية هذا العام بعد فترة من الانشغال المتواصل.

وقالت نيللي كريم: “أنا مفيش حاجة السنة دي السنة دي مش عارفة هعمل إيه بصراحة وبفكر إني أريح أخيرا إلا لو جالي ورق أحب إني أعمله”.

وعن رأيها في المسلسلات القصيرة 15 حلقة قائلة: “محبش اشتغل 15 حلقة بصراحة يمكن دا تصريح، وجهة نظري هو المجهود مجهود بيتعمل 15 بالنسبة ليا زي الـ30”.

اقرأ أيضا| إيناس علي تكشف تفاصيل دورها في “ماما وبابا” | خاص

وأضافت: ” 30 حلقة حضور تقيل بس الفكرة عشان الورق كمان يكون يستحمل أنه يبقى 30 حلقة الأعمال اللي قبل كده اللي اشتغلتها على مدار سنين طويلة من سنة 2013 من بداية “ذات” كانت تستحق أنها تكون 30 حلقة كانت مبنية على دراما تقيلة وكان في شخصيات مكتوبة بشكل عميق جدا وكل شخصية موجودة في كل المسلسلات اللي قدمتها إلا بعض حاجات مينفعش تشيليها هي فكرة الورق، ورق الـ30 حلقة يتكتبوا أن كل حلقة أحسن من التانية عشان وانتي بتتفرجي تبقي عايزة تشوفي اللي بعديها دي ترجع للكاتب”.

وتابعت حديثها قائلة: “15 حلقة لذيذ بس أحب أعمله أوف سيزون 10 حلقات أو 15 حلقة لكن في رمضان السنة اللي فاتت قدمت أول حاجة 15 حلقة أعملها لكن أنا معروف أني بقدم 30 حلقة، رمضان محتاج 30 حلقة”.

وعن تعاونها مع شركة العدل جروب في عمل درامي جديد، قالت الفنانة نيللي كريم: يشرفني أني اشتغل مع العدل جروب لأن هما مش بس شركة اشتغلت معاهم على المستوى الشخصي والإنساني أستاذ جمال وأستاذ مدحت العدل عملنا كتير أعمال ناجحة من أنجح الحاجات اللي عملتها “سجن النسا” و”تحت السيطرة” و”بـ100 وش” حاجات كتير سنين قعدنا نشتغل وننجح مع بعض بحبهم جدا بعيد عن الشغل أستاذ جمال كمان جاري فإحنا بنشوف بعض وبنسلم على بعض، أنا مفيش حاجة السنة دي السنة دي مش عارفة هعمل إيه بصراحة وبفكر إني أريح أخيرا إلا لو جالي ورق أحب إني أعمله”.