أعلن المرشح مدحت ركابي محمود، الشهير بـ مدحت المنصوراوي، ترشحه لانتخابات مجلس النواب عن دائرة دراو – أسوان أول – أسوان ثاني – أسوان الجديدة – أبو سمبل ممثلًا عن الحزب المصري الديمقراطي الاجتماعي، مؤكدًا أن هدفه الأول هو خدمة المواطن والدفاع عن قضاياه اليومية.

وقال المنصوراوي: “أنا ابن النيل، وبيصعب عليّ إن المياه تكون عندي مشكلة، وأنا أول مصدر للنيل. وكمان الكهرباء، عندي طاقة شمسية على مستوى الشرق الأوسط، ومع ذلك لسه عندي تحديات في المرافق، وده اللي بدور عليه وهنصلح فيه بإذن الله.”

وأضاف: “اللي جذبني للحزب المصري الديمقراطي الاجتماعي إن أهم حاجة عنده المواطن.. بيجري ورا همومه ومشاكله، وده اللي بنحبه إحنا في الصعيد، إن حد يكون من الناس ويدور على أهل الشارع.”

وأشار المرشح إلى أن أهم الملفات التي سيعمل عليها هي الصحة والتعليم والبنية التحتية والمياه والكهرباء، مؤكدًا: “أنا من الشعب وهم مني، وحاسس بتعب المواطن في أسوان ودراو. وبدعو أهالي دايرتي يجربوا المنصورية الدورة دي، وهتشوفوا الخير والعمل والإنجاز بإذن الله تعالى.”