بثّت وفاء صلاح الدين، المرشحة لانتخابات مجلس النواب عن دائرة شبين الكوم، التي عُرفت باسم «مرشحة تعدد الزوجات»، فيديو على صفحتها الشخصية على موقع «فيس بوك»، وقالت: «أنا زعلانه على نفسي وواخده على خاطري أوي من الناس اللي بتشتمني، أبوس أيديكم مش عايزه أكره بلدي، أنا أتبهدلت كتير ومحدش وقف جنبي».

وأضافت باكية: «الناس اللي عماله تبعت لأمي وتقولها (الحقي بنتك الجرايد بتتكلم عنها)، أنتوا كنتوا فين وأنا كنت بقعد في بلكونة بيتنا وأعيط وأنا ببص للبيوت وأقول ياريت أمي كانت معايا، كنتوا فين لما كان ييجي عليا رمضان وأنزل أفطر على موائد الرحمن علشان مبقاش لوحدي».

وتابعت: «أنا شفت اللي محدش شافه، كنت في الجامعة زمايلي يقولوا أنا هروح ألاقي ماما كذا، هروح علشان اخرج مع ماما، وأنا كنت بروح بحس إن البيت قبر علشان ببقى فيه لوحدي، قعدت سنة ونص مريضة محدش سأل عليه ولا فيا إيه الناس مابترحمش».

وعن ترّشحها لانتخابات، قالت «وفاء»: «لما اترشحت في الانتخابات الناس قالولي (أنتي بنت مين علشان ترشحي نفسك، هو أنتي عندك إيه علشان ترشحي نفسك هو أنتي اهلك مين وعندهم إيه)، قلت (أنا معنديش حاجة، بس أملي في ربنا كبير، نفسي أقعد مع أرملة، يتيم، مريض أعملهم حاجة من غير حتى ما يتكلموا».

وفي نهاية الفيديو، أشارت «وفاء» إلى أنها حاربت من أجل الوصول لحلم شخصي، وكان لديها خياران؛ أن تكون فتاه سيئة أو «تشرف والدها المتوفي».

سبق وتم انتقاد «وفاء»، بسبب الرسالة التي وجهتها للسيدات، إذ قالت فيها: «رسالة لجميع السيدات.. مهما كبرتى وربنا كرمك في وظيفتك ووصلتى لأعلى المناصب أوعى تنسي إنك في الأول والآخر أنثى»، وتابعت: «في الأول والآخر مفيش مقارنة بين الرجل والأثنى، الرجل ليه احترامه وتقديره وحبه وإحنا اتربينا على إننا نشيل (حذاءه) فوق راسنا لأنه هو اللى ساتر عرضنا».

https://www.facebook.com/c53296c7-f48a-45ce-b865-ab73837c09f1

نالت مرشحة شبين الكوم العديد من الانتقادات بسبب فكرة تعدد الزوجات، إلى جانب قيامها بعمل جلسة تصوير تحمل فيها رمزها الانتخابى وهو ثمرة الموز كنوع جديد من الدعاية الانتخابية.