حل الفنان رضا حامد ضيفا على برنامج «90 دقيقة» الذي يقدمه الإعلامي أسامة كمال، الاثنين، قائلًا إن «النجم عادل إمام ظلمه وتسبب في تجاهل موهبته».

وأضاف «حامد»: «أنا كنت بشتغل مع الأستاذ عادل إمام، وحققت نجاحا كبيرا معاه في المسرح وعملت بعدها معاه فيلم أمير الظلام ونجحت واتكتب عني حلو جدًا».

تابع: «حد من الأشخاص القريبين من عادل إمام أخبرني بإني لم أعمل معه مجددًا بسبب نجاحي وقومت بتكديبه، وروحت له المسرح وطلبت منه أن يبقي ليا الدور كخطوة تضيف ليا أكتر في العمل الجديد اللي بيتم تحضيره».

واصل: «رد عليا وقال لي: لأ يا حبيبي خلاص، أنا قدمتك وخلاص أشتغل بعيد عني، أستغربت وقتها، لكن في المسرح أنا مكنتش بضحك كتير فكملت معاه في المسرح ساعتها، قلت عليا وعلي اعدائي وكسرت الدنيا ضحك».

وختم قائلًا: «سعيد عبدالغني بعدها كان معايا على المسرح والناس كانت ميتة من الضحك زعقلي وقالي عادل واقف في الكواليس، خلص بقي أنت هتترفض وأنا هاخد 15 يوم جزا بس مهمنيش أشتغلت وقعدت أضحك الجمهور وفي الأخر حصل خلاف من الإدارة كان وراه حد وتركت المسرحية».