مسكت القلم والورقه وكالعادة فضلت شخبط بالساعات

معقول بعد الوقت ده كله

لسه يا قلبي فاكر له حاجات

لسه دموعك ماليه العين

لسه بتسال تلاقيه فين

عاوزه يجيلك ولا تروحله

عاوزه يجيلك يلا افتحله …

بس هترجع زي زمان

واحد قوى جواك غلبان

وهتفضل وياه تعبان زي ما كان

واهى الذكريات معقول بعد الوقت ده كله

لسه يا قلبي فاكرله حاجات

فاكر يوم ما دموعك نازلت قدام منه ولا هاموش

فاكر يوم ما ندهنا لعينه وقلبه ولا ردوش

فاكر يوم ما داوينا جراحه

وقال لنا في الحب ملوش

قولي ازاي بعد ده كله لسه يا قلبي ما كذبتوش ..؟؟

لسه بتسال عنه كثير زي زمان

وبتعتبره يا قلبي الخير والله حرام

ليه بتقول عليه حبيبك والله يا قلبي ما كان نصيبك

ده حب غيرك ولا عاش يوم على ذكراك

انساه يا قلبي وارمى حبه بقى ووراك

قال على غيرك حب العمر

انما انت ساقاك المر

مع انك ولا يوم عذبته بل بالعكس… كنت بتسال عنه في غيبته

كنت بتفرح لما في يوم تلاقيه فرحان

وبتتعذب لو حسيتوا في يوم تعبان

شوف للدرجه كنت بتبكي بداله كمان

بس الحب ده كله اندااااس

اصل حبيبك شكله جبان

لسه يا قلبي عليه زعلان….؟؟؟