شروق العليمي تكتب : ما حرمتش يا قلبي تحب

ما حرمتش يا قلبي تحب
وما منعتش رياحه تهب

بعد ما قولنا خلاص يا عذاب
ده مفيش حب ولا احباب
وما صدقت رجعتلي تاني
وبقيت عايشه انا بيك وحداني

لقيته فجاه قصادك واحد
فاتح لعناك باب الجنه
قولت لك حاسب هيكون جاحد
قولت سيبيني اعيش واتهنى
وبعدت عني ما سمعتليش
وانا قولت اسيبك يمكن تعيش
وقولت اجرب المرادي
يمكن يكون انسان مش عادي

بس الايام دارت بينا
ورجعت انا وانت لوحدينا
شوفت يا قلبي ان الايام
عمرها دايما ما بتدينا

ورجعنا مكان ما كان معانا
واستنينا يجينا ما جانا
كانت جامده عليك و قويه
اصل الايام دي هي هي
هو يا دوب اللي بيتغير
ايام رايحه وايام جايه

شوفت….شوفت يا قلبي شكل المكان
مش بجماله زي ما كان
اتغير وقلوبنا معاه
اتغيرت اصل انا انسان
بيه من غيره اوعدني تعيش
وجوده جنبي ما يلزمنيش
ما هو سابك …. ما هو سابك في الدنيا وحيد
هيبيعك ويحب جديد

اياك تندم يوم من بعده
هنعيش وهناخد على بعده
بس اتاكد انه فراقه
مكسب ليك
واوعدني ما تضيع نفسك
تاني بإيديك
بكره يا قلبي هيرجع لينا
لما يعيش في الدنيا وحيد
وهنقتل قلبه بايدينا
ولا هيشوف من بعدنا عيد
وهيندم ويجيلك تاني
ويقول دة انا عايش وحداني
بس ساعتها يا قلبي اياك
تقول ما تيجي نجرب ثاني
ده انا عمري ما هقدر انساك
ولا اسيبك ولا يوم لاناني
وانسى….. انسى يا قلبي كل اللي فات
وتعا نعيش على الذكريات