ايمن جلبى يكتب .. سقوط الفاشل محمد على

محمد علي الممثل المغمور الفاشل الذي يدعي كذبا أن له مستحقات لدى القوات المسلحة .. الموضوع ببساطه وعلى لسانه أنه أنتج لنفسه فيلم البر التاني وخسر فيه اكثر من 6 مليون وانتج اعمال اخرى وفشلت .. فبعد أن تعرض لخسائر بسبب عدم خبرته فى مجال الإنتاج السينمائى وافتقاره إلى الموهبة الحقيقية فى التمثيل جاء يدعي أنه مقاول ناجح وأن الدولة أكلت حقه رغم اعترافه أنه عمل في مشاريع الدوله 16 سنة .. 16 سنة رابح ومتهني ومن مشروع لمشروع والكل عارف يسعدو يا هناه اللي يشتغل في مشاريع الخدمة الوطنية والقوات المسلحة .. فلوس مضمونة وأعمال كبيرة ونقله نوعية أعلى .. بس يا حبيبي مشاريع الجيش لا فيها نهب ولا تعرف تحور وتسرق ده كل شئ محسوب بالملي وانت افتكرت أنك عشان اشتغلت كتير معاهم أن ممكن تعوض فشلك في الإنتاج السينمائي على حساب الدولة وهي مش شيفاك .. طب قولي كده اشمعنا انت رغم أن في اكتر من 180 شركة مقاولات مصرية وأجنبية شغاله .. الحقيقة انك عشت دور النجم والمنتج والستات والبنات اللي خدعتهم عشان تنتج ليهم وفي النهاية وسعت منك وبان أنك مفلس والركلام وبنات الاعلانات حلقولك وعرفوا أنك بؤ والوسط الفني انفض عنك وفي نفس الوقت معرفتش تخنصر وتنهب من الجيش .. الموضوع ده جننك وانت اعترفت أن التمثيل والوسط ده كان حلم حياتك فطبعا لما تتركن والبنات الحلوين يبعدوا ويروحوا لغيرك ده يخليك متجنن وأنت شايف حلمك بيضيع .. تسرق وتنهب مفيش مشكلة عندك ما هو لازم ترجع .. جنون الحريم والأضواء مش سهل
يا ابني في قضايا مرفوعة ضد الدولة وبتتنظر في المحاكم لا ممنوع رفعها ولا محظور .. ومجلس الدولة ومدني حكومة مليان بقضايا ضد الدولة وضد الوزارات وعشان أنت معتقد أن الناس في جهل فطالع تصرخ وألحقوني وحقي والي يرفع قضية بيروح العقرب .. الناس مش ساذجه أما لو بتوجه كلامك لاتباع مرسيك فأكيد هيهللو وتكبير وتشيير وهما دول الجهه المستهدفة عشان عاوز تعمل نصبايه على تنظيم الإخوان ويتبنوك وتهبش منهم وتطلق لسانك على البلد .. يا بني كان غيرك اشطر ولو قعدت تهوهو مائة سنة ولا حد في يوم الأيام هيحترمك لأنك لو صاحب حق في طرق كتير بس انت عاوز اللي يدفعلك وقتي ويشتري عويلك .. نصاب رسمي والأدهي أن الإخوان فرحانه ونصبوك نجم رغم أنك نكره بس الغريق بيتعلق ببرص ذيك