منال العادلي تكتب : انا … وابليس
في قاعده طريه كلها حنيه كان في ناس كتير بس كان مركز عليا …جميل ووسيم وفي عنيه لمعه معرفتش ايه هي….
جه جنب ودني الشمال وبهسهسه وحنيه قالي كلام تقريبا عمري ماسمعته ولافي ليالي الحلميه ،،،،
واشتكي لي الوحده والغربه والخوف والليل الطويل واني اجمل مارات عينه وقرب مني وقعد يغني لي مواويل …
وانا من طيبتي اوعادي ممكن تقول خبتي صدقته ودق قلبي واتشلقبت حالتي..-
يبني لي قصر كبيييير ويملاه خدم وحرير وفي كل حته -تغني لي العصافير …
في ثواني شدني جناني وخلاني من الحيره بدون تفكير….وكل مااحاول افوق…
يدق بشده علي وتر الحرمان وان في الدنيا ملايكه كتير..وقالي كلام خطير..
رجعني لعصور المرجان والياقوت والزمردوالطراطير…
بيني وبينكم ومن خوفي ليركب جناح ويطير…
انا مش عارف هو انا صح جذاب وزي ماقالي اتحط في كتاب ….
ويشاور علي الناس ويحكوا حكاوي وباحساس ويطلبوا يتصوروا واعملهم توقيعي الخاص في الكراس….
واسمع من بعيد صراخ الناس من الاعجاب وفي الشارع وانا راكب عربيتي اللي بكام مليون علي كلامه اسمع كلس عربيات
ينادي باسمي ابص عليه الاقي صورتي فوق الراس….
لاني ضايع ومن غير مفتاح فتح لي بمفتاح قديم بوابه وقالي عدي كده انت ترتاح …….
كلام شتتني انا ليه لازمه جاني اللي يستتني ….
وليه امي ماضمتني ولاحضنتني ايه كل ده…
كلام كبير وخطير اعدي بيه بسرعه من غير تفكير..
وفجاه ولثانيه سمعت فرحت النصر بترن في الدنيا والمنسي ومحمد واحمد بيسحبوا ايدي
وواحد منهم شالني علي اكتافه وجري بي وشفت اغرب منظر ممكن تشوفه عنيه…
الجميل اللي في عينه لمعه مافهمتهاش شفتها غدر بي وبصحابي ولمحت له ذيل طويل بيقتل بيه كل احبابي
له قرون في كل مكان واصله مانا استغربت انه وصل علي بابي وحتي اظافر من قوتهاحوافر
بتحفر في قلوب الامه ياااااه علي الغمه ….
انا فارق معاك يابلادي ومش حفارق مهما نمت زعلان لماشفت المنسي بدمه غرقان
وجري بي علي بر الامان وكل حته فيه بتنزف وشفت اخواتي ذابحهم الجبان وغدر الارهاب المفاعيص
اللي كل اهبل معاه يهيص وكل ام شهيد بتصرخ من شباكها مايضيعوش دم ولادنا بالرخيص…
ماضيعوش دم ولادنا بالرخيص ….
وجعني قلبي وشفتك عروسه وسط نار والاندال قاتلين العريس…
ومش همه الجرح ولا دمه وكل جسمه رصاص بيجري عليك يطفي النار حواليكي….
بلادي يابلادي….لكي حبي وفؤادي انا فارق معاكي وبحبك مستحيل
اني افارق حقعد علي الترعه وفي الحاره بالنبوت احميك وازف كل عريس فيك لباب النصر واطبطب علي امه ……لاأذان العصر…..تحيامصر….تحيامصر
