(فرعوني)
أنا مش هاقول زجل ولا شعر..
ولو قولت مش ها يكفي الف سطر..
وكلكم تقولوا احسن مني عن مصر..
شاهد علي عظمتها كل عصر..
فرعوني قبطي إسلامي بكل فخر..
عظيمة يا مصر لأبد الدهر..
الفراعنة ملوكك من الف عصر..
سبقوا العالم كله يجي بدهر..
طب وصناعة وهندسة معمار..
تحنيط تخطيط وعظيم الافكار..
التوحيد لإخناتون كان إختيار..
رمسيس التاني ملك جسار..
وشه علي جسم أسد جبار..
أبو الهول خلي العالم يحتار..
ولا في أبو سنبل ملك مغوار..
الشمس تتعامد مرتين بإنبهار..
علي وشه دا مهندس ولا سحار..
ولا سحابة ولا غيمة منعتها ف نهار..
تحتمس سنوسرت وزوسر..
واحمس ملك وقائد مغوار..
بعجله خشب الهكسوس إنهار..
طريق الكباش عظمة وأسرار..
مصر يا تاريخ وعلم وأثار..
مش بس كلام ف غناوي واشعار..
حبك ع العالم فريضة مش إختيار..