احمد جمال يكتب.. خط الدفاع الأخير فى صناعة البترول
ما هو خط الدفاع !؟ وازاى يقدر يحافظ على plant عندى من غير اى خسائر قدر الإمكان ! وهل مهم فى منصات البترول !؟
لو دخلت أي شركة من شركات البترول او الغاز او البتروكيمياء هتلاحظ دايما وجود شعلة في مكان بعيد من الشركة وعلى إرتفاع كبير عن بقية الـplant وبتكون خارجة من عمود شبه المدخنة، الشعلة دي بتحرق ايه وعلى أي أساس بحطها جوا الشركة أو الموقع بمعنى تاني ايه الغرض منها ، إزاي الشعلة دي بتشتغل واللي بنسميها الـ flare.
بدايةً، الشعلة دي بتخلصني من الغازات واللي بتعتبر من اكتر العوامل اللي بتسبب خطورة عند إنبعاثها
وبتدي أمان في الموقع ولو منعنا ال flare الضغط هيزيد عندي علي المعدات وبالتالي هيؤدي لانفجار!
وعشان أتخلص منها فيه إختيارين:
الأول هو ال venting وده ببساطة بجمع الغازات دي وبطلقها في الـ atmosphere من غير حرق والاختيار التاني هو الflaring وده هو اللي هنتكلم عنه.
ال flaring ببساطه هو عمليه حرق للغازات الغير مرغوبة او الزائدة اللي بتنطلق نتيجه تفريغ صمام الضغط لما يزيد الضغط بشكل كبير ومفاجئ.
ومش بحرق الغاز دا عشان السيفتي بس، لا دا بسبب مشاكل النقل وشيخوخة البنية التحتية، وكمان الموضوع بيبقي مكلف جدا لو هنعمل إعادة هيكلة للبنية التحتية،
عمليه ال flaring بقسمها لتلت انواع هما:
1- Emergency flaring:
ودي بتتم في حالة إنه حصل كسر في صمامات الضغط وده بينتج عنه حرق كمية كبيرة جداً من الغاز في وقت قصير.
2- Process flaring:
ودي بتحصل خلال الـprocess وبيكون rate الحرق بتاعها قليل.
3- Production flaring:
وده بيتم في مناطق استكشاف وإنتاج البترول وبيتم حرق كمية كبيرة من الغازات واللي بتديني indication عن الـcapacity بتاعة البئر.
الـflaring gases بيختلف الـ composition بتاعها حسب نوع العملية اللي بتتم بس نقدر نقول انها بتتكون بشكل أساسي من غاز الميثان CH4 وغاز Co2 و شوية من الـ green gases زي بخار المياه.
الـflaring بيتم علي 6 مراحل بتتمثل في مكونات الflaring system نفسه فهنلاقيه بيضم 6 اجزاء هي:
1- Knockout drums:
وده بيشيل أي مياه أو oil موجودين في ال released gas.
2- water seal drum:
وظيفته إنه يمنع اي تسرب للغازات وده عشان يمنع ارتجاع اللهب من أعلى الشعلة.
3- Alternative gas recovery system:
بيستخدم في الـpartial shutdown او الـpartial startup وده عشان يعمل Recover للغازات وبيدخل الغازات دي بعد الـ recovery في الـfuel system بتاع الـplant.
4- Steam injection system:
هيعمل mixing للهواء مع الغازات بكفاءة عالية وده هيتحكم في تقليل ال smoke اللي بيخرج من الشعلة.
5- Pilot flame:
ودي بتبقي مزودة بـ ignition system خاص بيها وبتبقي متاحه طول الوقت بمعني انه اي وقت بيحصل فيه releasing للغازات بتكون متاحه عشان تحرق الغازات دي.
6- Flare stack:
ودي مزودة في الجزء الأعلى منها بـ section يمنع دخول الأوكسجين عشان ميكونش مزيج قابل للإشتعال وبالتالي يمنع إنفجار الشعلة أو رجعوها لداخل الـstack.
نوع الـflare اللي هستخدمه بتحدده إحتياجات الindustery نفسها ومكونات الغاز اهم Two Parameters لهم دور كبير فى Specifications for Flare .
