طب بزمتك انت كراجل آمر بالمعروف و ناهى عن المنكر أنت كقاتل ” محترم ” و له شنة و رنة و له كيانه الكاذب و الصيت المسمع المفرقع وسط القتلة أصدقائك دول اللى هيصولك و صقفولك.. و قالولك الله عليك يا رافع راسنا و راس القيم و الأخلاق الحميدة..يا رافع راية الدين و الحق و ” الحمقة” خدتك اوى و رحت رامى الست من بلكونتها عشان بتشك فى اخلاقها !

بزمتك انت اللى زى الاستيك دى ..عمرك ما اتقفشت فى بير سلم بتتحرش بحد ؟

عمرك ما خنت مراتك اللى ساعدتك بجبروت و قوة رغم إنها ست زيها ؟

يا راجل يا عديم الأخلاق فتش كويس فى اخلاقك الاول و بعدين فتش جوة شقق الناس اللى تخصهم..ده لو كان الموضوع زى ما أدعيت مش تلكيكة و إفترا ع الست عشان تطردها و تستولى ع الشقة !

داهية تاخدك انت و مراتك و اللى شبهك من مدعى الأخلاق الكريمة ! ليأخذ القانون مجراه و لا يصل الأمر إلى ” إيه اللى سكنها هناك ” ؟

بلد أخلاق صحيح !