شروق العليمى تتكتب.. قصيدة /خاتم الرسل
هكتب وأقول…
أصل الليلادى كلامنا كله عن الرسول
هنحكى ونحكى ونحكى ونحكى ..
ولسانا يفضل بالخير يقول قالولي أكتبي نبذة بسيطة..
بس القصيدة ماكنتش سهله
مش بس كلمة ولا رسم خريطة..
دى حكاية ليها قيمة ومستاهلة
قالولي أكتبي قصة نبينا..
قالولي عنها دى قصة عظيمة مسكت القلم وبدأت أفكر..
والكلمة تكبر أكتر وأكتر كونت جملة …
وفي ورقة بيضه وبدأت أملا كتبت عنه كلام…
كتير وسطور بتخلص في حكاوى ياما دى أمانته بس ماليها مثيل…
في قلوبنا والله حبك أمانه عمرى ما شوفتك ولا حتى ثانية..
ومشينا علي خطاك في الدنيا عمرى ما يوم سلمت عليك..
من يوم ميلادى ومأمنه بيك ياللي في حبك خلص الكلام عليك أفضل الصلاة والسلام
(سبت القلم … ومسكته تانى )
أصل الجلالة كانت واخدانى
وبدأت أكتب في حكاوى تانى بس لقيت القلم العامى ..
اتحول فجأة للغه عربية حبيت أسمع صوتك يا قلمى..
وانت بتنقل من العاميه
وقولت كتير في حب الرسول تسمعوا معايا ..؟
يلا نقول… يا خير خلق الله ..
يا خير من اصطفاه
يا من جاء بك النور ..
با من جئت لنا رسول
يا خاتم الأنبياء
… أنت لنا خير الأباء يا من علي خطاه نسير …
يا من لطريقنا ينير ويا من كنت خير الأنام…
عليك أفضل الصلاة والسلام
وفي النهاية…
حاولت أكون جملة ختام
وساعتها قلمى عجز فعلا عن الكلام
ولقيت ساعتها ان الكلام
ملهوش ختام
وعليك أفضل الصلاة والسلام
