الأهداف لا تتحقق بالحظ يا عزيزي “انتش واجري”

مساء الخير
ممكن خمس دقايق من وقتكم ?
الحقيقه ان انا كنت متابعه تريندات الشهر بين ويجز الغلابه بين قوسين (انتش واجري )
وبين عامل القمامه بين قوسين (طبق الكشري )
وحقيقي لم يكن بداخلي اي اشمئزاز او تعاطف مع حد منهم
وجدتهم حاله وهتخلص كام يوم وننتهي من الجدل الموجود
ونرجع نمسك في جدل وتريند تاني محنا فاضين بقا !
بس بصراحه لفت نظري تعليقات الناس
و تقييم الموقف بالصوره المناسبه ليهم واللي في الاغلب بتريح ضمايرهم وتسكنها وتنيمها علي الاخر وتعطي مبررات للفشل اغلب المنشورات والتعليقات كانت علي طريقه
الحظ ي جماعه (قنطار حظ ولا فدان شطاره)
هو المثل كده صح ولا انا غلطت ؟
المهم كل التعليقات كانت منصبه ان لا يوجد نجاح سوي للتفاهه او ل اصحاب الحظوظ علي شاكله انتش واجري
وان يالا بينا كلنا نقعد ونبحث عن التريند والفرصه الصاروخيه يالا هي جت علينا مكلها بقت كده
وبلد مش بتاعت شهادات صحيح !
بس الحقيقه الحظ لا يأتي في الاغلب غير ل اصحاب الاهداف الواضحه واصحاب الجهد المستمر والمحاولات المستمره والنفس الطويل وايضا يحتاج بيئة خصبه
حتي ينموا

فيه عالم نفسي اسمه (ريتشار وايزمان )درس مسألة الحظ واستجوب ٤٠٠شخص
عرفوا بين اصدقائهم بأصحاب الحظ السعيد
فخلال ثماني سنوات درس تقنيات زياده نسبه الحظ والعوامل التي تقود الي الحظ الجيد والسئ
وفي النهايه توصل الي ان الحظ حاله نفسيه واجتماعيه يمكن تعلمها ورفع نسبتها من خلال …….
مهاره الانسان في خلق الفرصه
تفكير ايجابي ….
عدم تأثر قرارته التاليه بمصائبه السابقه
واخيرا قناعته بأنه بالفعل انسان محظوظ
(قانون الجذب يا ساده)
العوامل دي لوحدها لا تجلب حظ جيد او نجاح في اي مهمه لكن هي بتوفر بيئه وارض خصبه للنجاح

المحظوظون اخر ناس تؤمن بالحظ الجيد او السئ
لأنهم ببساطه عصاميون يؤمنون ان النجاح لا يأتي سوي بالعمل والجهد
اما من يؤمن بالحظ ينتظر تريند او مسابقه تنقله الي حال افضل
والأغلب سيبقي حتي يشيب يبحث عن ضربه الحظ ولن يجدها !
الانسان عدو نفسه الأول هو اول شخص يقف امام افكاره الجميله ويحاول قتلها قبل خروجها من الجمجمه
وهو من يقول لعقله كل يوم استرح يا صديقي لا يوجد امل في الحياه
تمسك بحلمك حتي لو العالم بأسره ركض خلف التفاهه اصنع لنفسك هدف كبير جدا جدا فالاحلام الكبيره قد تنتهي بانجازات متوسطه ولكن الاحلام المتواضعه ستنتهي حتما بأنجازات تافهه
عزيزي يبقي الشيء ساكنا حتي تفكر فيه فيتحرك بإتجاهك
اذا فكر وحدد وتحرك ثم إنتش واجري .