العالم كله بقى بيعاني من غلاء المعيشة، وارتفاع الأسعار، بسبب الأزمة الاقتصادية العالمية، والتغيرات السياسية اللي بنعيشها، ويوم ورا التاني، الغلاء بقى يكشف لنا، عن أسر كتير من أهالينا اللي محتاجين ندعمهم، وندخل الفرحة على قلوبهم، وخاصة مع بداية الشهر الكريم.

وعلشان كدا كان فيه “كتف في كتف”، المبادرة العظيمة اللي أطلقها التحالف الوطنى للعمل الأهلى التنموى، تحت رعاية فخامة الرئيس، وكان الهدف منها دعم المواطن فى جميع المحافظات، ووجود نموذج جديد، وفعال في التكافل بين كل المصرين، ودا من خلال دعم أهالينا، وأسرنا الأكثر احتياجًا، وخاصة مع حلول شهر رمضان الكريم.

تفاعل المجتمع مع المبادرة، والنجاح اللي وصلت ليه، بين لنا صورة المجتمع المصري بشكله الحقيقي، وكمان الجانب الإنساني، اللي المصرين بيتمتعوا بيه، والكل كان بينتهز الفرصة علشان يساعد ويفرح غيره.

نجاح المبادرة دي، وضح لنا صورة ومكانة الرئيس، في قلوب المصرين، مواطن بيساعد مواطن آخر، ولكن تحت مظلة دولة تشعر بمسؤولية كبيرة تجاه المواطن، وإن رعايته الكامله، أولوية مهمة عندها.

كتف في كتف.. مش أول مبادرة اتعملت، ولا هتكون أخر مبادرة، والخير هيلف، ويزورنا كلنا، طول ما احنا كتفنا في كتف بعض، ومتجمعين في الخير علشان بلدنا، كل سنة وأنتم طيبين وبخير.