مجدى صبحى يكتب .. عم مختار والإعلانات

عم مختار.. احتار.. اعلانات وعروض ليل ونهار.. دا يقولك انهيار الأسعار. ودا بيحطم الاسعار… وف الحقيقة السعر نار..

طب ليه ما بتعلنوش الاسعار.. كانت اجابة احد المسوقين.. عشان الاعلان يحقق اعلى مشاهدة واستفسارات.. دا بالعكس السعر المعلن.. هو اللى يفرح ويجنن..

طب لما نسأل يقولك نرد خاص.. وف مره سأل عم مختار ع الشات.. رد الموظف و قاله الرد خاص.. خلوه اتجنن.. يابنى خاص ايه اكنر من كده… شمتوا فينا العدا… ما هو دا الخاص.. طب اجيلك البيت تقولى ف ودنى..حرام كدة..

ولا اعلانات التليفزيون السحرية.. اللى بتخلى العجوزة صبية… والدكتور خصوصى.. لعلاح الصلع الوراثى… وتليفونات الشكر الوهمية.. أرجوكم احترموا عقولنا شوية